Blindcare старт-ап “Тогтвортой хөгжлийн манлайлагч”-аар шалгарлаа.

Blindcare аппликэйшны “Эрүүл мэндийг үйлчилгээг жигд хүртээмжтэй хүргэх, ялгаварлан гадуурхлыг зогсоох, тэгш бус байдлыг бууруулах” чиглэлээр явуулж буй үйл ажиллагаанд НҮБ-ын “Тогтвортой Хөгжлийн Манлайлагч” шагналыг олголоо.

Blindcare аппликэйшн нь сэтгэл зүйн асуудалд орсон мянга мянган хүмүүст үнэгүй зөвлөгөө тусламжийг хүргэж байгаа бөгөөд нэр мэдээллээ нууцлаад асуудлаа хуваалцах боломжийг олгож буй нь ялгаварлан гадуурхалт өртөхөөс урьдчилан сэргийлэх шийдэл болоод байгаа билээ.

Blindcare аппликэйшнээр дамжуулж бид НҮБ-ын Эрүүл мэндийг дэмжих, Тэгш бус байдлыг бууруулах Тогтвортой хөгжлийн зорилт болон Монгол улсын Засгийн Газрын “Алсын хараа-2050” Урт хугацааны хөгжлийн бодлогын Эрүүл Монгол Хүн зорилтыг биелүүлэхэд ийнхүү хувь нэмрээ оруулж буй аж.

Манай хамт олны хэрэгжүүлж буй Blindcare аппликэйшныг татан авч, сэтгэл зүйн эрүүл мэндээ хамгаалахыг уриалж байна.

Аппликэйшн татах: http://onelink.to/h52xyg